ეს კალკულატორი შესაძლებლობას გაძლევთ, დაითვალოთ ანუიტეტის (როგორც ჩვეულებრივი ისე წინასწარი), ზრდის განაკვეთი მიმდინარე ღირებულებისა და წინასწარ განსაზღვრული ფიქსირებული პერიოდული ფულის ნაკადების გათვალისწინებით.
აღნიშნული კალკულატორი წარმოადგენს ანუიტეტის კალკულატორის ერთ-ერთ ნაირსახეობას. ანუიტეტის კალკულატორი დაგეხმარებათ გამოიანგარიშოთ მომავალი ღირებულებისა და მიმდინარე ღირებულების ანუიტეტთან დაკავშირებული ყველა ცვლადი. ეს კალკულატორი შეგიძლიათ გამოიყენოთ ინვესტირებისას/ვალდებულების აღებისას, თუ თქვენს მიერ არჩეული ფინანსურ ინსტრუმენტზე წინასწარ განსაზღვრულ პერიოდის განმავლობაში თანაბარი პერიოდულობით გექნებათ ფიქსირებული ფულის ნაკადები, რომელიც თავის მხრივ განსაზღვრული იქნება რთული პროცენტით.
გაითვალისწინეთ, რომ კალკულატორის გათვლები ეფუძნება გარკვეულ დაშვებებს და გამოთვლები საორიენტაციოა. ყველა კონკრეტულ შემთხვევაში, დასკვნების გამოტანამდე თუ გადაწყვეტილებების მიღებამდე, მნიშვნელოვანი იქნება სხვა დამატებით, სპეციფიკური ფაქტორების გათვალისწინება.
კალკულატორი იყენებს წლიურ მონაცემებს. განსხვავებული პერიოდულობის/გადახდის სიხშირის (ნახევარწლიური, კვარტლური, თვიური, დღიური) შემთხვევაში, საჭირო იქნება ცვლადების(ზრდის განაკვეთი, ანუიტეტის ხანგრძლივობა, ყოველწლიური გადახდები) შესაბამისად დაკორექტირება.
