თუკი სმარტფონით სარგებლობთ, ინტერნეტბანკის გამოყენება, როგორც წესი, თქვენი მობილური ტელეფონიდანაც შეგეძლებათ, ამისთვის სპეციალური აპლიკაცია - თქვენი ბანკის მიერ მოწოდებული მობილბანკი დაგჭირდებათ.

 

 

რჩევა #1

თუ კი იყენებთ მობილბანკის აპლიკაციას, დარწმუნდით, რომ მისი მომწოდებელი ნამდვილად თქვენი მომსახურე ბანკია. თუ ეჭვი გეპარებათ - დაუკავშირდით მას და დარწმუნდით.

რჩევა #2

აპლიკაციები გადმოტვირთეთ მხოლოდ აპლიკაციების ოფიციალური მაღაზიებიდან. არალეგალური წყაროდან აპლიკაციის გადმოწერის შემთხვევაში, მას შეიძლება მოჰყვეს მავნე პროგრამის ან ვირუსის შემცველი ფაილი.

რჩევა #3

ისარგებლეთ ბიომეტრიული მონაცემებით იდენტიფიკაციით, როგორც მობილბანკის აპლიკაციის, ისე უშუალოდ სმარტფონის შემთხვევაში და გაააქტიურეთ მობილურის ეკრანის ავტომატური დაბლოკვის რეჟიმი.

რჩევა #4

მუდმივად განაახლეთ თქვენი ტელეფონის ოპერაციული სისტემა, ასევე ჩამოტვირთეთ მისი უსაფრთხოების განახლებები.

რჩევა #5

როგორც კომპიუტერის შემთხვევაში, ასევე მობილურ ტელეფონშიც დააყენეთ ანტივირუსული პროგრამა.