კატეგორიები

ნავიგაცია

ჩემი ფინანსური მეგზური

როგორ დაზოგოთ ფული უსაფრთხოდ?

სიფრთხილით შეარჩიეთ ორგანიზაცია, რომელსაც თანხას ანდობთ

დანაზოგის შენახვისას აუცილებელია სიფრთხილით შეარჩიოთ ის  ორგანიზაცია, სადაც თანხის შენახვას აპირებთ და შეეცადოთ რაც შეიძლება მეტი ინფორმაცია მოიძიოთ მისი საქმიანობის შესახებ. გახსოვდეთ,  დაპირებულ არაგონივრულად მაღალ საპროცენტო სარგებელს, სხვა თანაბარ პირობებში, მაღალი რისკი უკავშირდება! გაითვალისწინეთ ისიც, რომ კანონმდებლობის მიხედვით დეპოზიტის მიღების უფლება მხოლოდ კომერციულ ბანკებს და არასაბანკო სადეპოზიტო დაწესებულებებს აქვთ.

გაიგეთ მეტი დეპოზიტების დაზღვევის სისტემის შესახებ

2018 წლიდან საქართველოში ამოქმედდა დეპოზიტების დაზღვევის სისტემა, ხოლო 2020 წლის 1-ლი ივლისიდან გაიზარდა სადაზღვევო თანხის მოცულობა. მიმდინარე ეტაპისთვის კომერციულ ბანკებში ფიზიკური პირის ყველა ანგარიშზე არსებული თანხა, ჯამურად 15,000 ლარამდე, ავტომატურად დაზღვეულია. დაზღვევის სქემა მომხმარებლების დანაზოგების დაცვის დამატებით და ერთ-ერთ მნიშვნელოვან ინსტრუმენტს წარმოადგენს. გაიგეთ მეტი, რას ნიშნავს და როგორ მუშაობს დეპოზიტების დაზღვევა დეპოზიტების დაზღვევის სააგენტოს ვებგვერდზე.