კატეგორიები

ნავიგაცია

ჩემი ფინანსური მეგზური

ტერმინები

  • ტრანში (სესხის ტრანში)

    მთლიანი სესხის ნაწილი, რომელიც საფინანსო ინსტიტუტის მიერ არის გასაცემი, ან მომხმარებლის მიერ არის გადასახდელი. 

  • უპირობო ფრანშიზა

    უპირობო ფრანშიზა - თანხა, რომელიც აკლდება ასანაზღაურებელ ოდენობას თითოეული სადაზღვევო შემთხვევის დროს. მზღვეველი არ გასცემს სადაზღვევო ანაზღაურებას თუ ზიანი ფრანშიზის ოდენობაზე ნაკლებია.

  • ფაქსიმილია

    ხელმოწერა ბეჭდის (კლიშე) გამოყენებით, რომელზეც დატანილია ხელმოწერის ზუსტი ასლი. ფაქსიმილიას უწოდებენ, ასევე, ხელმოწერის ნიმუშსაც.

  • ფინანსური ანალიზი

    პირის (იურიდიული, ფიზიკური) ფინანსური მდგომარეობის, რისკებისა და საქმიანობის შედეგების ობიექტურად შეფასება.

  • ფინანსური პროდუქტი

    ჩვენი საიტის მიზნებისათვის ტერმინებით „ფინანსური პროდუქტი“ ან „პროდუქტი“ იგულისხმება ნებისმიერი მომსახურება, რომელსაც მომხმარებელი იღებს ფინანსური ორგანიზაციისგან, მაგალითად, სესხი, დეპოზიტი, ანგარიში, ბარათი და სხვა.

  • ფიქსირებული ხარჯები

    ხარჯები, რომლებიც არ იცვლება დროის გარკვეულ მონაკვეთში. 

  • ფრანშიზა
    თანხის ის ოდენობა, რომელსაც მზღვეველი არ ანაზღაურებს. ...
  • ფულადი სახსრების მოძრაობის უწყისი

    ფინანსური დოკუმენტი, რომელშიც ასახულია დროის კონკრეტულ მონაკვეთში კომპანიაში შემომავალი და კომპანიიდან გამავალი ფულადი სახსრები. 

  • ქონება მოძრავი

    ქონება, რომელიც არ არის უძრავი და შესაძლებელია მისი გადაადგილება, მაგ.: ავტომობილი, მანქანა-­დანადგარები და ა. შ.

  • ქონება უძრავი

    უძრავ ქონებას მიეკუთვნება მიწის ნაკვეთი, არსებული წიაღისეულით და მასზე აღმოცენებული მცენარეებით, ასევე შენობა-­ნაგებობები, რომლებიც მყარად დგას მიწაზე, მაგ.: საცხოვრებელი სახლი, საწარმოო ნაგებობა. 

  • ყადაღა

    ქონების მესაკუთრისთვის საკუთრებით სარგებლობისა და განკარგვის აკრძალვა ან შეზღუდვა. ყადაღა შეიძლება დაედოს უძრავ -­მოძრავ ქონებას, საბანკო ანგარიშებს, ფასიან ქაღალდებს და ა. შ. ყადაღის დადება შეუძლია სასამართლოს/არბიტრაჟს ან სხვა უფლებამოსილ ადმინისტრაციულ ორგანოს (მაგ.: სსიპ აღსრულების ეროვნული ბიურო, სსიპ შემოსავლების სამსახური და სხვ.). 

  • ცვლადი ხარჯები

    ხარჯები, რომლებიც იცვლება დროის გარკვეულ მონაკვეთში.

  • წინსწრებით დაფარვის საკომისიო

    თანხა, რომლის გადახდაც, ხელშეკრულებით განსაზღვრული პირობების შესაბამისად, ეკისრება მომხმარებელს იმ შემთხვევაში, თუ ის სესხის დარჩენილ ძირითად თანხას სრულად ან ნაწილობრივ ხელშეკრულებით გათვალისწინებული თარიღის დადგომამდე დაფარავს.

  • ხანდაზმულობა

    კანონმდებლობით განსაზღვრული ვადა, რომლის გასვლის შემდგომაც პირს სხვა პირის მიმართ ეკარგება მოთხოვნის უფლების იძულებითი აღსრულების შესაძლებლობა. ხანდაზმულობა იწყება მოთხოვნის წარმოშობის მომენტიდან. მოთხოვნის წარმოშობის მომენტად ჩაითვლება დრო, როდესაც პირმა შეიტყო ან უნდა შეეტყო თავისი უფლების დარღვევის შესახებ. თუ მოვალემ, ხანდაზმულობის მიუხედავად, მაინც შეასრულა თავისი ვალდებულება, მაშინ მას არ შეუძლია ხანდაზმულობაზე მითითებით უკან გამოითხოვოს შესრულება.