საქართველოს ეროვნული ბანკი და მის მიერ დაარსებული ფინანსური განათლების პორტალი - www.finedu.gov.ge მხარდამჭერ პარტნიორ ორგანიზაციებთან ერთად უერთდება აღნიშნულ თარიღსა და წიგნის საყოველთაო და განსაკუთრებული მნიშვნელობის იდეას და ფინანსური განათლების საკითხების პოპულარიზაციისა და მათი სხვადასხვა სფეროში ინტეგრირებულობის წარმოჩენის მიზნით აცხადებს კონკურსს სკოლებისა და მასწავლებლებისთვის სახელწოდებით "ასწავლე ფინანსები ლიტერატურით".
კონკურსის ფარგლებში სკოლებში ჩატარდება გაკვეთილი ან სხვა ტიპის აქტივობა, რომლის ფარგლებშიც, მასწავლებელი მოსწავლეებთან ერთად განიხილავს მხატვრულ ნაწარმოებს და დაუკავშირებს ფინანსური განათლების საკითხ(ებ)ს.
კონკურსში მონაწილეობის მისაღებად, ღონისძიების ამსახველი ბმული სკოლის ფეისბუქ გვერდიდან, სკოლამ / მასწავლებელმა უნდა გააზიაროს ფინედუს საკონკურსო პოსტის კომენტარში.
კონკურსის ფარგლებში გამოვლინდება როგორც გამარჯვებული სკოლები, ისე გამარჯვებული მასწავლებლები, რომლებმაც ჩაატარეს საკონკურსო ღონისძიება.
კონკურსის ორგანიზატორია საქართველოს ეროვნული ბანკი და ფინედუ, მხარდამჭერები კი არიან: საქართველოს ბანკი, თიბისი ბანკი, ბაზის ბანკი და კრედო ბანკი.
კონკურსის მთავარი იდეაა, მოსწავლეებმა კიდევ ერთხელ გაიაზრონ ფინანსური განათლების საკითხები და დაინახონ მათი აქტუალობა და მნიშვნელობა სხვადასხვა სფეროში, მათ შორის ლიტერატურაში.
კონკურსში მონაწილეობა 31 მაისის ჩათვლით იქნება შესაძლებელი. გამარჯვებულები კი 5 მაისს გამოცხადდება
გამარჯვებული სკოლები საჩუქრად ბიბლიოთეკისთვის წიგნების შესაძენად გამომცემლობ(ებ)ის 500 ლარიან ვაუჩერებს, ხოლო გამარჯვებული მასწავლებლები 1 წლიან წვდომას ელექტრონული წიგნების სახლ "საბას" ბიბლიოთეკასა და გამომცემლობ(ებ)ის 50 ლარიან ვაუჩერებს მიიღებენ.
კონკურსის დეტალური პირობები იხილეთ აქ.