ტერმინები

მხარეთა მიერ შერჩეული დავების განმხილველი ორგანო. საქართველოს კანონმდებლობის თანახმად, პირებს (იგულისხმება როგორც იურიდიული, ისე ფიზიკური პირები) შორის სამოქალაქო დავა, მხარეთა შეთანხმებით, შესაძლებელია განსახილველად გადაეცეს მუდმივმოქმედ ან ამ დავისათვის საგანგებოდ შექმნილ კერძო არბიტრაჟს. საარბიტრაჟო განხილვები დახურულია და მხარეთა შეთანხმების საფუძველზე შეიძლება იყოს კონფიდენციალური. არბიტრაჟი მოქნილი პროცესია, რომელიც შეიძლება იყოს უფრო სწრაფი და დაბალხარჯიანი, ვიდრე სამართალწარმოება სასამართლოში, იმის მიხედვით, თუ რა პროცედურებზე შეთანხმდნენ მხარეები.