საქართველოს ეროვნულმა ბანკმა საოკუპაციო ხაზთან მცხოვრებ ქალებს უმასპინძლა

27 ივნისს საქართველოს ეროვნულმა  ბანკმა  საოკუპაციო ხაზთან მცხოვრებ ქალებს უმასპინძლა და პირადი ფინანსების მართვასა და ფინანსებზე ხელმისაწვდომობის თემაზე საინფორმაციო შეხვედრა გამართა. სტუმრები ქ. გორში არსებულ სამკერვალო საწარმო „ლიდერის“ დასაქმებულები არიან. აღნიშნული საწარმო, თავის მხრივ, არაერთ ქალს ასაქმებს, მათ შორის, საოკუპაციო ხაზთან მცხოვრებლებს.

შეხვედრისას უძღვებოდნენ ეროვნული ბანკის ფინანსური განათლების განყოფილებისა და USAID-ის ძლიერი სოფლის პროექტის წარმომადგენლები.

შეხვედრაზე განხილული იყო პირადი ფინანსების მართვის თავისებურებები და გამოწვევები, ასევე, ბიუჯეტირების, დაზოგვისა და ფინანსებზე ხელმისაწვდომობის საკითხები.

შეხვედრის ფარგლებში, მონაწილეებს საშუალება ჰქონდათ USAID -ის ძლიერი სოფლის პროექტის წარმომადგენლისგან საგრანტო პროექტზე მნიშვნელოვანი დეტალები მოესმინათ.

ვიზიტის დასასრულს სტუმრები აღნიშნავდნენ, რომ შეხვედრამ საშუალება მისცათ საკითხებისთვის განსხვავებულად შეეხედათ და მათთვის საჭირო და საინტერესო დეტალებზე ემსჯელათ.