დასრულდა კონკურსი "ისაუბრე ფულზე - ისაუბრე კიბერუსაფრთხოებაზე"!

კონკურსი ფულის გლობალური კვირეულის 2026 წლის საერთაშორისო კამპანიის ფარგლებში საქართველოს ეროვნული ბანკის ფინანსური განათლების პლატფორმა ფინედუს - www.finedu.gov.ge - ინიციატივითა და ორგანიზებით, ასევე, საქართველოს ბანკისა და ბაზისბანკის მხარდაჭერით 31 მარტს დაიწყო. 

კონკურსში მონაწილეობა 2-4 მოსწავლისგან შემდგარმა გუნდებმა მიიღეს, თითოეულ გუნდს ერთი მენტორი ან მასწავლებელი ხელმძღვანელობდა. 200-ზე მეტი ნაშრომიდან ჟიურიმ 10 ფინალისტი გუნდი გამოავლინა.

დღეს, 15 მაისს, კი გამოვლინდნენ ორ ნომინაციაში გამარჯვებული გუნდები:

 

ჟიურის რჩეული:

გუნდი "კიბერ გურია"

გუნდის წევრები: ანასტასია - VII კლასი და მარიამი - IX კლასი

მასწავლებელი/მენტორი - იზო ზენაიშვილი

სსიპ - ვაჟა თოდუას სახელობის ქალაქ ლანჩხუთის №3 საჯარო სკოლა

 

გუნდი "ციფრული შუქურა"

გუნდის წევრები: მარიამი და ნინი - X კლასი

მასწავლებელი/მენტორი - ნინო ლომიძე

სსიპ - ვაჟა-ფშაველას სახელობის ქალაქ გორის №9 საჯარო სკოლა

 

გუნდი "NextGen Thinkers"

გუნდის წევრები: ანი და ლუკა - VIII კლასი

მასწავლებელი/მენტორი - მარიკა გიორგაძე

სსიპ - ქალაქ თბილისის №108 საჯარო სკოლა

 

მომხმარებლის რჩეული: 

გუნდი "KADRI"

გუნდის წევრები: ნინო და ანა - XI კლასი

მასწავლებელი/მენტორი - თამუნა მაჭარაშვილი

სსიპ - გრიგოლ კობახიძის სახელობის ქალაქ თბილისის №77 საჯარო სკოლა

 

დაჯილდოვდა ასევე გამარჯვებული მასწავლებელი/მენტორი:

სსიპ - ვაჟა-ფშაველას სახელობის ქალაქ თბილისის №87 საჯარო სკოლის მასწავლებელი.

ქეთევან სისვაძე - მისი მოსწავლეთა გუნდების მიერ კონკურსში 19 ნაშრომი შემოვიდა

გამარჯვებულები საქართველოს ბანკისა და ბაზისბანკისგან კონკურსის პირობებით დაწესებულ შემდეგ ფულად პრიზებს მიიღებენ:

• ჟიურის რჩეული 3 (სამი) გუნდი მიიღებს ფულად პრიზს თითოეული 800 (რვაასი) ლარის ოდენობით. ჟიურის რჩეული გუნდების მენტორი ან მასწავლებელი მიიღებს ფულად პრიზს 200 (ორასი) ლარის ოდენობით.
• მომხმარებლის რჩეული 1 (ერთი) გუნდი მიიღებს ფულად პრიზს 400 (ოთხასი) ლარის ოდენობით. გუნდის მენტორი ან მასწავლებელი მიიღებს ფულად პრიზს 200 (ორასი) ლარის ოდენობით.
• გამარჯვებული მენტორი ან მასწავლებელი მიიღებს ფულად პრიზს 400 (ოთხასი) ლარის ოდენობით.

ფინედუ მადლობას უხდის ყველა კონკურსანტს, მათს მასწავლებლებსა და მენტორებს დაინტერესებისა და მონაწილეობისათვის.