ფინანსურად განათლებული მოქალაქეები სწორ, გააზრებულ და გაცნობიერებულ არჩევანს აკეთებენ ფინანსური პროდუქტებით სარგებლობისას თუ პირადი ფინანსების მართვისას, რაც მნიშვნელოვანია ფინანსური ინსტიტუტების სტაბილურობისთვის და, საბოლოო ჯამში, ქვეყნის სტაბილურობასა და მდგრადობაზე აისახება. სწორედ ამიტომ ეროვნული ბანკი დიდ ყურადღებას უთმობს ფინანსური განათლების ამაღლებას.
საქართველოს ეროვნული ბანკის ფინანსური განათლების პლატფორმა "ფინედუ" ყოველწლიურად მრავალფეროვან საგანმანათლებლო პროექტებს ქმნის და უზიარებს საზოგადოებას.
2025 წელი გამორჩეული იყო როგორც ახალი და ინოვაციური საგანმანათლებლო რესურსებით, ისე ამ რესურსებზე ხელმისაწვდომობის ზრდით. ეს წელი რეგიონალური პროექტების წლად გამოცხადდა და, შესაბამისად, პროექტებისა და ღონისძიებების ძირითადი ფოკუსი საქართველოს რეგიონების მოქალაქეთათვის ფინანსური განათლების ცოდნისა და რესურსების მიწოდება იყო.
აღსანიშნავია, რომ წლის განმავლობაში, ფინედუს პროექტებში ჩაერთო 20,000 მდე პირდაპირი ბენეფიციარი.
ფინედუ მასწავლებლებისთვის
წლის განმავლობაში ფინედუს საგანმანათლებლო ღონისძიებებსა და ტრენინგებში 394 მასწავლებელი ჩაერთო, მათ შორის, 201-მა მასწავლებელმა გაიარა სპეციალური ტრენინგები: “სკოლა ბანკი“ და “ფინანსური და ეკონომიკური წიგნიერება სკოლებში”.
ახალი საგანმანათლებლო რესურსები
ფინედუს კუთხე" სკოლის ბიბლიოთეკაში
ფინედუ მოსწავლეებისათვის - "მოიწვიე ფინედუ კლასში"
მოსწავლეებსა და მასწავლებლებს გადაეცათ ახალი რესურსები.
წლის განმავლობაში ფინედუს პროექტებში ჩაერთო 14,802 მოსწავლე, ხოლო ფინედუს მხარდაჭერით ჩატარებულ ღონისძიებებში, დამატებით, ჩაერთო 1,096 მოსწავლე.
ფინედუ სტუდენტებისათვის - "მარეგულირებლის დილემა"
"ლარი 30 წლისაა"
კონკურსის "ლარი 30 წლისაა" ფარგლებში 6-18 წლის 555 მონაწილე ჩაერთო, ლარის ისტორიის შესახებ ინფორმაცია მიიღო "მოიწვიე ფინედუ კლასში" მონაწილე ყველა მოსწავლემაც.
ფინედუს ტრენერები რეგიონებში
ფინედუს თემატური კონკურსები
კონკურსების საერთო წვდომა იყო 5,510 პირდაპირი ბენეფიციარი.
ფინედუ ემიგრანტებისთვის
იტალიაში მცხოვრები ემიგრანტებისთვის ფინანსური განათლების მიმართულებით გაიმართა საინფორმაციო შეხვედრა.
ემიგრანტთა საერთაშორისო დღეს ფინედუმ ონლაინ პანელური დისკუსია გამართა თემაზე: "საინვესტიციო და სამეწარმეო შესაძლებლობები ემიგრანტებისათვის"
"წინ და წინ: ფინანსობანა"
7 ქალაქი, 26 საჯარო სკოლა და 1,000 ზე მეტი მოსწავლე — ასე შეიძლება შეჯამდეს ფინანსური განათლების შესახებ პირველი სპექტაკლის „წინ და წინ: ფინანსობანას“ საოცარი მოგზაურობა საქართველოს რეგიონებში.
2025 წელი მრავალმხრივ საინტერესო იყო ფინედუსთვის, აღსანიშნავია, რომ პლატფორმას (www.finedu.gov.ge) დაემატა ახალი კონტენტი ინვესტირების, ასევე ოჯახის ფინანსების მართვისა და ქალების მიმართულებით.
ფინანსური განათლების გავრცელების გზაზე წლის განმავლობაში არაერთი შიდა და საერთაშორისო ორგანიზაცია იყო ჩართული, მათი მხარდაჭერით ბევრი იდეა რეალობად იქცა. აქვე, მადლობა თითოეულ მათგანს ნდობისა და გაწეული რესურსისთვის.
ფინედუ მომავალშიც აქტიურად გააგრძელებს ფინანსური განათლების საინტერესო პროექტისა და რესურსის შექმნას და დარჩება მოქალაქეთა მუდმივ ფინანსურ მეგზურად როგორც ფიზიკურ, ისე ონლაინ სივრცეში.