მოიწვიე ფინედუ კლასში - გაკვეთილები ფულის გლობალური კვირეული 2024-ის ფარგლებში

ფულის გლობალური კვირეულის ფარგლებში, ტრადიციულად, საქართველოს ეროვნული ბანკისა და პარტნიორი ორგანიზაციების თანამშრომლების ჩართულობითა და დაინტერესებული მასწავლებლების მოწვევით  III-XII კლასის მოსწავლეებს ფინანსური განათლების სხვადასხვა თემაზე ღია გაკვეთილები ჩაუტარდათ. სასკოლო სივრცეებში მიწვეულმა სტუმრებმა მოსწავლეებს გააცნეს ისეთი საკითხები, როგორებიცაა: ფულისა და ქართული ფულის ისტორია, ფულის მართვისა და დაზოგვის მნიშვნელობა, ფინანსური უსაფრთხოება და სხვა. 

საქართველოს ეროვნული ბანკის 50-მდე თანამშრომლის გარდა, ფინედუს დესპანის სტატუსით პროექტში ჩაერთვნენ და ბავშვებთან ფინანსური განათლების თემებზე ისაუბრეს  შემდეგი პარტნიორი ორგანიზაციის წარმომადგენლებმა: საქართველოს ბანკი, თიბისი ბანკი, ბაზისბანკი, კრედო ბანკი, მიკროსაფინანსო ორგანიზაცია "ემბისი", ტერაბანკი და კავკასიის საერთაშორისო უნივერსიტეტი.

ერთობლივი ძალისხმევით პროექტის ფარგლებში მთელი საქართველოს მასშტაბით გაკვეთილები 100 სკოლის 170-მდე კლასის 4,500-მდე მოსწავლეს ჩაუტარდა.