სტუდენტური კონკურსი "მარეგულირებლის დილემა" დაიწყო

საქართველოს ეროვნული ბანკი და ფინანსური განათლების პლატფორმა „ფინედუ“ სტუდენტებისთვის აცხადებს კონკურსს - „მარეგულირებლის დილემა“.

კონკურსის მიზნებია:

უმაღლესი სასწავლო დაწესებულების სტუდენტებში საფინანსო სისტემის შესახებ ცნობიერების ამაღლება;

სტუდენტებში ცენტრალური ბანკის საქმიანობის პოპულარიზება;

სტუდენტებში გონივრული ფინანსური გადაწყვეტილებების წახალისება;

კონკურსში მონაწილეობა შეუძლია საქართველოს ტერიტორიაზე არსებული ყველა უმაღლესი საგანმანათლებლო დაწესებულების ბაკალავრიატისა და მაგისტრატურის საფეხურის სტუდენტებისგან შემდგარ გუნდებს. 

კონკურსისთვის სარეგისტრაციო პერიოდი განსაზღვრულია 19 - 25 ოქტომბერს. 

დამატებითი ინფორმაცია კონკურსის მნიშვნელოვანი თარიღებისა და დეტალების შესახებ იხილეთ ბმულზე. 

კონკურსი სტუდენტებისთვის ხორციელდება სს „კრედო ბანკის“ მხარდაჭერით.