ტრენინგის მიზანი იყო ემიგრანტებისა და ფულად გზავნილებზე დამოკიდებული ოჯახების ინფორმირება ამ ტიპის შემოსავლებთან დაკავშირებული სპეციფიკური რისკებისა და შესაძლებლობების შესახებ და მათი მხარდაჭერა პრაქტიკული რეკომენდაციებით. ტრენინგი მოიცავდა ისეთ მნიშვნელოვან თემებს, როგორებიცაა პირადი ბიუჯეტი და დაზოგვა, შემოსავლების სწორად მართვა, ფინანსური დამოუკიდებლობა, ინვესტირება, ფინანსურ ბაზარზე არასანდო და სარისკო შემოთავაზებების ამოცნობა, საბანკო პროდუქტები, ფულადი გზავნილები და ა.შ.
აღსანიშნავია, რომ ფინანსური განათლების ამაღლება ეროვნული ბანკის ერთ-ერთი მთავარი პრიორიტეტია. ამ მიზნით, ფინანსური განათლების სტრატეგიაში ცალკე მიზნობრივ სეგმენტად განისაზღვრნენ ემიგრანტები და მათი ოჯახის წევრები, რომლებისთვისაც ფინედუ მომავალშიც მხარდამჭერ აქტივობებს კიდევ უფრო გააფართოვებს.
ფოტო გალერეა
