6 მაისს კონკურსის გამარჯვებულების დაჯილდოება გაიმართა. ღონისძიებას ეროვნულმა ბანკმა კონკურსის მხარდამჭერ საქართველოს ბანკთან ერთად "თამაშობანას" გასართობ-საგანმანათლებლო სივრცეში უმასპინძლა.
ღონისძიებაზე თავიანთ მოსწავლეებთან ერთად მოწვეულნი იყვნენ გამარჯვებული მასწავლებლები:
- მარინე გულაშვილი - სსიპ მცხეთის მუნიციპალიტეტის სოფელ ნატახტრის საჯარო სკოლა
- მარიამ ბოლქვაძე - სერვანტესის სახელობის გიმნაზია აია-ჯესს
ღონისძიების მონაწილეებს სიტყვით მიმართა ეროვნული ბანკის პირველმა ვიცე-პრეზიდენტმა ეკატერინე მიქაბაძემ: "მიხარია, რომ ასეთი შემოქმედი, საქმის ერთგული და მოყვარული მასწავლებლები გვყავს, რომელთა როლი ფასდაუდებელია მომავალი თაობის წარმატებაში. ეროვნულ ბანკში ფინანსური განათლების პროექტებზე მუშაობისას ჩვენი მიზანია შევქმნათ ისეთი საგანმანათლებლო მასალები, რომელთა დახმარებითაც გაკვეთილები გახდება კიდევ უფრო საინტერესო და შთამაგონებელი".
ღონისძიების ფარგლებში მოსწავლეები დაესწრნენ ინტერაქციულ სპექტაკლს მიზნების დასახვისა და მოტივაციის თემაზე.
კონკურსის ფარგლებში შემოსული ნამუშევრები შეგიძლიათ იხილოთ ამ ბმულზე.
ფოტო გალერეა
.jpg)